Depozit hesabı açın, pulunuzdan pul qazanın!

Ətrafımızda olan bəzi insanlar haqqında bu ifadəni ya tez-tez səsləndirir, ya da eşidirik. Filankəsə halal olsun, daşdan da pul çıxarır, həmişə cibi doludu. Bu ifadə pul qazanmaq üçün dəridən-qabıqdan çıxanlardan daha çox pul qazanmağın ən ağıllı və asan yollarını kəşf edənlərə aid edilir. Günümüzdə isə demək olar hamı pul qazanmaq gücündədir. Ancaq həmin pulu düzgün idarə etmək, hər gün daha çoxunu qazanmaq üçün bəzi sirrlərdən agah olmaq lazımdır. Hətta evdə oturmaqla cibimizdəki pulu xərcləmədən gəlirə çevirə bilirik. Necə? Pulu depozitə çevirərək. Bəs depozit nədir? 

Depozit nedir və nə üçün faydalıdır?

Depozit şəxslərin (fiziki şəxslər) və ya müəssisələrin (hüquqi şəxslər) pul vəsaitlərini müəyyən müddətlik banka əmanət olaraq yerləşdirməsidir. Bu, həm vəsaitin təhlükəsizliyini təmin edir, həm də depozit faizləri hesabına əlavə gəlir qazandırır. Banka depozit qoymaq risk etmədən pulunuzun dəyərini artırmaq imkanı yaradır. Hazırda ölkəmizdə manat, avro və dollar valyutalarında əmanətlər yerləşdirmək mümkündür. Hər bir valyuta üçün fərqli faiz dərəcələri tətbiq edilir. Bütün valyutalar üzrə faizlər üzrə qazancınızı depozit kalkulyatoru aləti ilə bir neçə dəqiqə ərzində öncədən hesablaya bilərsiniz.

Depozitlər üçün müddət necə seçilir?

Banklara müddətli və müddətsiz şəkildə (tələbli) əmanət yerləşdirmək mümkündür. Tələbli depozit yerləşdirdiyiniz halda pulunuzu istədiyiniz vaxt götürə bilərsiniz. Digər halda isə müddətin tamamlanmağını gözləməlisiniz, əks halda bütöv məbləği əldə etməyiniz çətinləşir. Banka müddətli əmanət yerləşdirərkən isə zaman aralığını məqsədlərinizə uyğun təyin etmək önəmlidir. Müddət olaraq qısa və uzun müddətli seçmək hüququnuz vardır. Ancaq yaxın gələcəkdəki ehtiyaclar üçün qoyursunuzsa (məsələn, 3-6 ay sonra pul lazım olacaqsa), qısa müddətli depozit uyğundur. Uzaq gələcəkdə nəzərdə tutduğunuz planlar (təhsil, mənzil, pensiya və s.) üçün isə uzun müddətli depozit daha faydalıdır. Qısa müddətlər adətən 3-6 ay arası dəyişir. Uzun müddətlilər isə bir ildən başlayaraq uzun on illiklərə qədər davam edə bilir. Bir məqam vardır ki, müddətli yerləşdirilən əmanətlərin depozit faizleri daha yüksək olur. Bu isə daha çox qazanmaq deməkdir. 

Depozit faizleri hansı amillərdən asılıdır?

Bank əmanət faizlərinin həddi bir neçə əsas amilə əsasən dəyişir. İlk növbədə Mərkəzi Bankın təyin etdiyi əsas faiz dərəcəsi bankların təklif etdiyi əmanət faizlərinə birbaşa təsir edir. Eyni zamanda uzunmüddətli əmanətlər adətən daha yüksək faizlə təklif olunur. Müddət nə qədər uzundursa, bank depozit faizleri də buna uyğun olaraq ən yüksək dərəcədə tətbiq edilir. Banklarda depozit faizleri üzrə hesablanan gəliri aylıq, rüblük, illik və müddət sonunda əldə etmək mümkündür. Bundan başqa, əmanət növü (tələbli, müddətli, yığım və s.), əmanətin valyutası və müştərinin qoyduğu məbləğ də faiz dərəcəsinə təsir göstərir. Hesabınıza daxil edəcəyiniz əlavə 100 manatın belə faizlərin hesablanmasında böyük fərqi var. Bu və digər amillərə əsasən bank depozit faizleri dəyişir ki, bu amilləri nəzərə almaqla qərar versəniz, əmanətinizdən yüksək faizlər əldə edə bilərsiniz. Ümumilikdə bank depozit faizleri 2024 açar sözündən istifadə edərək bu istiqamətdə ən son xəbərləri nəzərdən keçirməyiniz faydalı olacaqdır.

Ən yüksək bank əmanət faizləri hansılardır?

Banklarda depozit faizleri ilə bağlı veb-saytlarda, mobil tətbiqlərdə və sosial media hesablarında müntəzəm olaraq məlumatlar paylaşılır. Veb-saytlar və mobil tətbiqlər vasitəsilə hər bankın təklif etdiyi faizlər üzrə ümumi depozit qazancınızı öncədən özünüz də hesablaya bilərsiniz. Bunun üçün depozit kalkulyatoru aləti mövcuddur. Depozitə qoymaq istədiyiniz məbləği və müddəti alətə daxil edərək aylıq, yaxud müddət sonunda əldə edəcəyiniz məbləği anında hesablaya bilərsiniz. Həmçinin banklar hansı müddəti seçsəniz, verginin tətbiq olunmayacağını qeyd edir. Adətən 18-24 aylıq əmanətlər vergidən azad olur. Bu kimi nüanslara diqqətlə fikir versəniz və buna uyğun bank əmanətini seçsəniz, ən yüksək depozit faizləri əldə etmiş olarsınız. 

Depozitiniz uzun müddətli, faiziniz bol olsun!

Deyirlər, insan hər qəpiyini harada, necə və nə məqsədlə saxladığını bildikdə, maddi cəhətdən daha güclü, rahat və planlı yaşamağa başlayır. Pulunuz nə qədər etibarlı yerdədirsə və nə qədər çox qazandırırsa, işləriniz də bir o qədər qaydasında gedəcək. Odur ki depozit hesabı açmaq üçün elə indi müraciət edin. Bankların mobil tətbiqləri vasitəsilə onlayn hesab aça bilərsiniz. Bank depozit faizleri ilə pulunuz birə-min artsın!